Хроника

Спречен шверц на 55 килограми марихуана на албанско-македонската граница

21. септември 2019 - 14:41 | МИА
Елбасан, 21 септември 2019 (МИА) – Албанската полиција, спречи шверц на 55 килограми марихуана, која требало да биде прошверцувана на македонска територија.

Дрогата била траспортирана со добиток преку зелениот граничен појас кај селото Рајце на албанско-македонската граница кај Струга.

-Лицата А.Б.(47) и И.Б.(22), двајцата жители на селото Сутај, општина Прењас, беа уапсени синоќа во 21:30 часот при обид на шверц на 55 килограми мархуана. Дрогата требало да ја прошверцуваат во Северна Република Македонија, стои во соопштението на Полицискиот комесаријат од Елбасан.

Се додава дека во соработка со македонските колеги се работи на идетификација и на други лица вмешани во шверцот.

Случајот е под надлежност на Обвинителството и Судот во Елбасан, а уапсените ќе одговараат за „недозволена трговија со наркотични средства“.

Коментирај