Германската полиција спречи потенцијален терористички напад на божикен саем во Баварија, откако добила дојава од странска разузнавачка агенција за активностите на осомничениот маж на интернет.
Според германски Die Welt, осомничениот, 37-годишен маж од Ирак, бил уапсен во средата вечерта во сместување за баратели на азил во градот Аугсбург. Портпаролот на баварската полиција денеска го потврди апсењето, пренесува Politiko.
Die Welt додава, повикувајќи се на неименувани извори, дека осомничениот споделувал објави на социјалните мрежи во кои ја велича таканаречената Исламска Држава и го фотографирал божикниот саем во Аугсбург.
Тој наводно рекол дека сакал да се вози низ божикниот базар, се вели во извештајот.
Германските власти биле информирани од странска разузнавачка агенција за активностите на осомничениот на интернет. По апсењето тој е задржан во притвор каде го чека депортација.
Во 2016 година беше извршен терористички напад на божикниот пазар во Берлин, кога човек кој се заколна на верност на Исламската Држава влета со камион во толпата и уби 13 луѓе, потсетуваат медиумите.
Во 2018 година, екстремисти поврзани со Исламската Држава извршија напад на божикниот базар во Стразбур, Франција, кога беа убиени 5 лица.
