Руската вакцина против COVID-19, Спутник V, не содржи компоненти кои се користат за микрочипување луѓе, изјави Вадим Тарасов, директор на Институтот за трансплантациска медицина и биотехнологија.
Според него, технологијата на воведување чипови низ вакцина моментално не постои.
„Секако, нема никакво чипување, ниту нешто слично е правено“, вели тој и додава дека во основа тоа е невозможно, бидејќи како дел од создавање вакцина моментално не постои ништо такво слично.
„Вакцината не е ништо повеќе од вакцина, направена на позната платформа, од познати елементи кои не можат да вршат чипување или да започнат какво било дејство на завера“, нагласи Тарасов.
Тој разби уште еден мит поврзан за вакцината против COVID-19, наведувајќи дека Спутник V не содржи генетски модифицириани елементи туку содржи компоненти кои ги имитираат присутните антигени во COVID-19.
