Организацијата „Глобална воена сила“ (Global Firepower) ја објави листата на најмоќни воени сили во светот. На прво место се САД со индекс од 0,0718, а потоа следат Русија, Кина, Индија и на петто место е Јапонија.
Според Global Firepower, од балканските држави најмоќна воена сила е Србија, со индекс од 1,0063 и е на 61. место во светот. Хрватска е на 63. место, Словенија на 88., Албанија е 113-та, Босна и Херцеговина е 121., Црна Гора е 123-та и Северна Македонија е на 133-то од 139 места, со индекс 5,0801.
Најмоќна европска воена сила е Франција, која е на седмото место, потоа Велика Британиja е осма, Турција е на 11. место, Италија на 12. и Германија е на 15. место.
На листата има 139 држави, од кои последна е Бутан со индекс 23,2577. Колку индексот е поголем толку земјата е полошо рангирана.
Листата се подготвува на повеќе од 50 фактори за одредување на индексот на воена моќ, меѓу кои конкретните воени сили, како бројот на војници, авиони, тенкови, потоа финансиската моќ на државата и издвојувањето за одбраната, како и логистичките капацитети, географската положба и друго.
