Србија и Албанија ќе бидат домаќини на Европското првенство 2027 за фудбалери до 21 година.
Шампионатот ќе биде отворен на стадионот „Караѓорѓе“ во Нови Сад“, додека финалето ќе се игра на националниот стадион во Тирана, кој ги исполнува стандардите за финален натпревар од вакво натпреварување.
Бидејќи се одржува во годината пред Олимписките игри, ова ќе биде и квалификациски турнир за Олимпијадата во Лос Анџелес во 2028 година, каде место ќе обезбедат најдобрите 4 европски селекции.
Европската фудбалска асоцијација (УЕФА) покажа доверба во Србија и Албанија да организираат многу сериозно натпреварување, на кое ќе учествуваат 16 репрезентации.
Србија ќе биде домаќин во Нови Сад, Лесковац, Лозница и Зајечар, а градови домаќини во Албанија ќе бидат Тирана, Скадар, Драч и Елбасан.
Да потсетиме, овогодинешното издание на ЕУРО за фудбалери до 21 година го организира Словачка, а титулата ја брани Англија.
Македонија досега има еден настап на завршницата, на ЕУРО 2017 во Полска.
Стадиони:
„Арена Комбетаре“ - Тирана
капацитет: 22.000
„Елбасан Арена“ - Елбасан
капацитет: 12.800
„Лоро Боричи“ - Скадар
капацитет: 16.000
„Егнатиа Арена“ - Рогожина
капацитет: 4.000
„Караѓорѓе“ - Нови Сад
капацитет: 14.800
„Дубочица“ - Лесковац
капацитет: 8.136
„Краљевица“ - Заечар
капацитет: 8.168
„Лагатор“ - Лозница
капацитет: 8.030