Во институтот „Торлак“ почна производството на руската вакцина која од Србија ќе може да се извезува и во соседните земји.
Денеска Рускиот фонд за директни инвестиции објави дека производството на Спутник V вакцинацта официјално е започнато во нашиот северен сосед.
„РФПИ и Институтот за вирусологија, вакцини и серуми 'Торлак' објавуваат дека почна производството на руската вакцина против коронавирусот Спутник V во Србија. Со ова, Србија стана првата држава во Јужна Европа која ќе ја произведува Спутник V. Производтсвото во Србија е во склад со најстроги стандардни“, соопшти Рускиот фонд за директни инвестиции.
Од Фондот нагласуваат и дека во иднина ќе може да се извезуваат вакцини во другите земји од регионот.
Претходно Италија постигна договор и од јули ќе почне со производство на вакцината. Во преговори за производство е и Германија, поточна покраината Баварија.
Институтот „Торлак“ се наоѓа во главниот град Белград и е основан во 1927 година кога почнал со производство на Бесеже вакцината против туберкулоза.
