Српската домашна продукција работи на нова ситком серија со наслов „Теретана“.
Дејството во серијата се врти околу група пријатели од кои еден од главните ликови е хомосексуалец, што ќе биде прв пат во историјата на српската ТВ-продукција.
Актерската екипа ја сочинуваат Радован Вуковиќ, Иван Зекиќ, Александар Радојичиќ, Јаков Јевтовиќ, Бранислав Зеремски, Виктор Савиќ, младата балерина и актерка Александра Коларов, како и Милена Радуловиќ и Никола Ранѓеловиќ.
Веќе е снимена пилот-епизодата, а првата сезона ќе има вкупно 24 епизоди.
Радојичиќ го игра ликот на Миланче кој се обидува да обнови една пропадната теретана и од неа да направи успешен бизнис.
Зекиќ го игра господин Рендулиќ кој е посетител во теретаната, но не е класичен мускулест кревач на тегови, туку талентиран и успешен уметник.
„Мојот лик е хомосексуалец и најверојатно ќе биде моден дизајнер. Допадлив, креативен, луд и урнебесен лик, многу интересен за играње“, открива Зекиќ.
