Среќен роденден Владимир Путин

На денешен ден во 1952 година во Ленинград (денес Санкт Петербург) e роден Владимир Владимирович Путин, руски државник и политичар, актуелен претседател на Руската Федерација.

Неговите родители ја преживеале Опсадата на Ленинград, но неговиот брат починал во текот на нацистичката окупација. Путин студирал право на Државниот универзитет Санкт Петербург и по дипломирањето во 1975 година почнал да работи во КГБ каде што служел до 1990, по што се префрлил во Градскиот совет на Ленинград. Потоа, на крајот од 90-тите години од минатиот век, ги предводеше руските безбедносни служби, пред да стане премиер на земјата во 1999 година и нејзин претседател на почетокот од 2000 година.

Путин е мајстор во самбо и џудо и е одличен скијач, а обожава да игра и хокеј. Разведен е и има две ќерки (Катја и Марија).