Во сообраќајна несреќа што се случи утрово на автопатот А-1, на делницата Удово-Марвинци, наспроти селото Јосифово, загина Д.П (56), државјанка на Србија, соопшти Министерството за внатрешни работи.
Д.П била сопатничка во возилото и починала на лице место. Несреќата се случила утринава во 9.20 часот помеѓу автомобилот „тојота авенис“ управуван од В.С. од Србија и „пежо 308“ управувано од С.П. исто така од Србија.
Во тек е увид на местото на несреќата, а сообраќајот се пренасочува по локален пат низ село Удово.
