СВР Скопје-Единицата за недозволена трговија, поднесе кривична пријава до надлежното Основно Јавно Обвинителство Скопје против О.М.(25) од Нови Пазар, Србија, поради постоење основано сомнение дека извршил кривично дело „неовластено производство и пуштање во промет наркотични дроги, психотропни супстанции и прекурсори”.
На 23 мај година околу 22 часот во кафе бар во Скопје од страна на полициски службеници од ОЕКР – ЕНТ бил забележан пријавениот и било пристапено кон негово легитимирање, кој во истиот моментот во своја непосредна близина го отфрлил ташничето кое го носел со себе.
Од страна на полициските службеници било подигнато и одземено ташниче во кое имало остатоци од непозната растителна материја, како и 17 полиетиленски кесички со непозната растителна материја, една целофанска паковка со непозната растителна материја, една алуминиумска фолија со непозната растителна материја и една дигитална вага со остатоци од непозната материја кои биле предадени на вештачење на ОКТИВ при МВР на РМ.
Пријавениот бил приведен во ПС Гази Баба и со истиот бил извршен службен разговор, во кој делумно го појаснил извршувањето на кривичното дело.