Д-р Александар Стојановиќ, директор на српскиот здравствен дом „Д-р Милутин Ивковиќ“, утрово во изјава за телевизија Прва рече дека многу пациенти кои се жалат на болки во стомакот се всушност луѓе позитивни на COVID-19.
– Вирусот повторно мутираше. Луѓето кои доаѓаа од летни одмори во текот на јули, август и септември, главно од Црна Гора, имаа стомачни проблеми, рече тој, додавајќи дека во последните 10 дена, многумина од нив го контактирале својот матичен лекар поради стомачни проблеми и дехидрација, за подоцна да се покаже дека се позитивни на коронавирусот, вели српскиот лекар. Потенцираше дека 90% од нив се невакцинирани граѓани.
– Што се однесува до смртноста, 95% умираат невакцинирани. Ковид повторно ја покажува својата страна, ние се вртиме околу бројката од 7.000 заразени луѓе, со просек од 50 мртви луѓе дневно и полни болници. Здравствениот систем е преоптоварен, а редиците се формираат веќе во 7 часот наутро – рече тој, посочувајќи на проблемот со вакцинирање на лица помлади од 32 години, кој во Србија изнесува само 18%.