Одбројуваме до лансирањето на игрицата „S.T.A.L.K.E.R. 2: Heart of Chornobyl“. Еве што треба да знаете за системските барања на насловот кој постојано се одложува поради војната во Украина.
Студиото GSC Game World објави каков компјутер ќе ви треба за да ја стартувате „S.T.A.L.K.E.R. 2: Heart of Chornobyl“, која ќе биде лансирана на 20 ноември за компјутери и конзоли Xbox Series S/X.
Според фрејмовите и гејмплеј клиповите кои имавме можност да ги видиме во претходниот период, новото издание на „S.T.A.L.K.E.R.“ ќе изгледа феноменално благодарение на технологијата Unreal Engine 5. И покрај добрата визуелност, објавените системски барања изгледаат сосема пристојни и постои голема веројатност дека насловот кој се одвива во зоната на исклучување во Чернобил ќе можете да го пуштите без дополнителни инвестиции во хардвер.
Минимални системски барања:
- ОС: Windows 10 64-битен или понов
- Процесор: Intel Core i5-7600K / AMD Ryzen 5 1600X
- Графичка картичка: NVIDIA GeForce GTX 1060 6 GB / AMD Radeon RX 580 8 GB
- RAM: 8 GB
- Слободен простор: 150 GB (SSD)
Препорачани системски барања:
- ОС: Windows 10 64-битен или понов
- Процесор: Intel Core i5-9700K / AMD Ryzen 7 3700X
- Графичка картичка: NVIDIA GeForce RTX 2070 SUPER 8 GB / AMD Radeon RX 5700 XT 8 GB
- RAM меморија: 16 GB
- Слободен простор: 150 GB (SSD)
Студиото GSC Game World ја гледа причината за релативно пониските минимални системски барања во прилагодувањето на игрицата за Xbox Series S - задача за која првенствено не веруваше дека е возможна поради ограничувањата на подостапната конзола на Microsoft.
Тимот тврди дека бил изненаден од фактот што успеал, а тоа искуство значително помогнало во развојот на верзијата за компјутер. Во интервју за Windows Central, од GSC наведоа дека сега веруваат дека секое студио може да ја оптимизира својата игрица за Series S.
Xbox Series S беше далеку од единствената развојна главоболка. Украинското студио мораше неколку пати да го одложи датумот на излегување на игрицата поради војната со Русија, а доколку ве интересира како изгледа развојот во вакви услови, не пропуштајте да го погледнете документарецот што го објави GSC (видеото е на крајот од текстот).
Кога ќе биде лансиран на 20 ноември, „S.T.A.L.K.E.R. 2“ ќе биде достапен на платформите Steam, Epic Games Store и GOG , а сопствениците на тековната генерација на конзоли Xbox ќе можат да го играат бесплатно доколку се претплатат на Game Pass.
