Становите од поранешна ЈНА ќе може да се откупуваат, барањата се поднесуваат до 15 јануари

Скопје, 27 септември 2021 (МИА) – Припадниците од Министерството за одбрана и од Армијата кои речиси три децении живеат во станови добиени од фондот на поранешна ЈНА, без право да добијат сопственост, отсега ќе имаат можност да ги откупат.

До 15 јануари 2022 ќе треба да поднесат барање за откуп на станот до комисијата формирана во рамки на Министерството за транспорт и врски.

Право на откуп ќе имаат оние лица кои имаат решение за користење на станот, а се државјани на Северна Македонија, лица кои се или биле вработени во Министерството за одбрана и во Армијата најмалку десет години или се стекнале со право на пензија, како и лица од семејства во кои сопственикот е починат, но имаат документ за користење на станот.

Со барањето за купување на станот, треба да се поднесе и решение за користење на станот, фотокопија од лична карта, уверение за државјанство, потврда од Агенцијата за катастар на недвижности со кое се потврдува дека корисникот нема стан или куќа во своја сопственост или во сопственост на член од неговото семејство, како и потврда од Министерството за одбрана дека корисникот е во работен однос во МО и во АРМ најмалку десет години.

– Документацијата се доставува во оргинал или копија заверена на нотар, не постара од шест месеци. Во однос на продажната цена на станот, таа се утврдува врз основа на градежната вредност, трошоците за уредување на градежното земјиште, местоположбата и амортизацијата на станот. Цената ја утврдува АД за стопанисување со станбен и деловен простор од значење за Републиката, појасни министерот за транспорт и врски Благој Бочварски на денешната заедничка прес-конференција со министерката за одбрана Радмила Шекеринска.

Право на откуп ќе немаат оние корисници на станови кои веќе имаат стан или куќа во лична сопственост или во сопственост на некој член на домаќинството.

Корисниците на станови кои нема да поднесат барање за откуп, ќе случат договор за закуп, односно договор за користење со месечна кирија што ќе ја определи АД за стопанисување со станбен и деловен простор.

Според министерката за одбрана, со ова се решава децениски станбен проблем на дел од сегашните и поранешните припадници на Министерството за одбрана и на Армијата.

–  Ова е една од темите која ја отвори Генералштабот и многу припадници кои работата во Армијата уште во далечната 2018 година. Тогаш се сретнавме за првпат и можев да видам дека нашите сегашни вработени во Министерството за одбрана и некои поранешни пензионери веќе беа уморни од нереализираните ветувања дека ова прашање ќе се реши. Еден период им било ветувано дека ќе можат да ги откупат становите, еден период дека ќе можат да добијат стан во рамки на т.н. проект „АРМ мој вистински дом“, но годините минувале, а ова прашање не е никогаш решено. На првите состаноци кога реков дека ова прашање може да се реши, свесна бев дека на другата страна има многу голема недоверба. Од тој момент започнавме да комуницираме со сите институции, а соработуваме и со Собранието бидејќи и тие беа контактирани од поранешни припадници на Армијата, рече Шекеринска.

Деновиве, како што посочи, завршени се сите неопходни чекори за да почне да се применува Законот за продажба на станови од поранешниот фонд на ЈНА, кој Собранието го донесе на 15 јули. Во рамки на Министерството за транспорт и врски формирана е комисијата составена од членови на повеќе институции, која ќе одлучува по барањата.

– Постапуваме по сите правила и го изодевме потешкиот пат затоа што сметавме дека мора да бидеме одлучни да го решиме проблемот, подвлече Шекеринска.

Корисниците на станови од поранешна ЈНА досега ги користеа становите без право да се стекнат со сопственост.

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Во која храна ги има трите минерали најважни за тироидната жлезда?

Read more

Марула - ја сметаме за најобична салата, а лечи болести и помага при слабеење

Read more

Македонија

Ковачевски: СДСМ ќе ја внесе Северна Македонија во ЕУ и ќе ги зачува вредностите на ЕУ дома

Read more

ГРОМ, Интегра и ПЦЕР се здружија: Коалицијата Храбро за Македонија нема да поддржи уставни промени ниту пред, ниту по изборите

Read more

Почна реконструкцијата на стариот пешачки мост на Вардар

Read more

Приватните специјализанти на протест пред Министерството за здравство

Read more
 

Вести

Странските компании загубија 107 милијарди долари со повлекувањето од Русија

Читај повеќе

Пет сценарија како Франција може да се вмеша во војната во Украина

Читај повеќе

Трет ден се трага по Данка, се проверуваат телефоните на родителите

Читај повеќе

Раст на Волстрит по три дена пад

Читај повеќе

Путин: Обвинувањата дека Русија ќе ја нападне Европа по Украина се глупост

Читај повеќе

Италија има план како да ја сотре мафијата – Коза ностра прва на нишан

Читај повеќе

Ковачевски: СДСМ ќе ја внесе Северна Македонија во ЕУ и ќе ги зачува вредностите на ЕУ дома

Читај повеќе

ГРОМ, Интегра и ПЦЕР се здружија: Коалицијата Храбро за Македонија нема да поддржи уставни промени ниту пред, ниту по изборите

Читај повеќе
  • play_arrow

Објавено аудио за херојот од Балтимор: Веднаш блокирајте го сообраќајот на мостот

Читај повеќе