Стариот добар рецепт подгответе го на нов начин - евтин, интересен и вкусен рецепт за котлети од зеленчук.
Котлетите се вкусно и евтино јадење кои се прави од мелено месо. Овој пат испробајте необичен рецепт за котлети од зеленчук. Наместо модри патлиџани можете да користите и тиквички, а сето тоа замотајте го во компири. Ова интересно и вкусно јадење ќе ве одушеви уште на првиот залак, а подготовката воопшто не е тешка. Ако сакате малку да го промените секојдневното мени, тогаш обавезно наместо котлети од мелено месе одберете ги оние од зеленчук.
Потребни состојки:
- 2 модри патлиџани
- 1 кромид
- 50 гр морков
- 3-4 компири
- 2 чешниња лук
- 2 јајца
- 2-3 лажици брашно
- сол
- бибер
За сосот:
- 60 гр мајонез
- 60 гр павлака
- 1-2 чешниња лук
- копар
Подготовка:
Изрендајте ги модрите патлиџани и кромидот, па исцедете ги од вишокот на вода. Додадете ренда морков, мелен лук и брашно. Добро соединете па додадете едно изматено јајце. Во друг сад измешајте рендан компир, посолете и побиберете и додаде едно јајце. Добро соединете. Земете од компирот в рака и убаво распоредете го, потоа додадете од смесата со зеленчукот, над тоа уште една лажица од смесата со копири и убаво затворете. Испржете, па наредете во огноотпорен сад и печете на 150°C околу 15-20 минути. Сосот направете го така што ќе измешате мајонез, павлака, мелен лук и сечкан копар. Потоа послужете.
