Сицилијанската паста е едно најпознатите во светот и често се порачува во рестораните. Сега ќе можете да ја направите и дома.
Италијанците се познати по вкусните тестенини, а на Сицилија можете да пробате вистински специјалитет. Вештите италијански домаќинки смислиле рецепт за тестенини кои се и вкусни и изгледаат совршено. Се подготвува брзо, а комбинацијата од маслинки, чери домати, инчуни и бело вино е едноставно неодолива. Ќе уживате во секој залак.
Потребни состојки:
- 230 гр шпагети
- маслионово масло
- 2-3 чешниња лук
- ½ лажичка мелена пипер
- 1 лажица доматна паста
- 3/4 чаша суво бело вино
- 15 гр инчуни
- 60 гр црни и зелени маслинки (без семки)
- 2 лажици капери (исцедени и посолени)
- 230 гр шери домати
- свеж магдонос
- пармезан
- сол
Подготовка:
Ставете ги шпагетите да се варат. Во тавче на малку масло пропржете го сечканото лукче и мелена пипер околу 30 секунди. Потоа додадете ја доматната паста и измешајте. По неколку минути додадете бело вино, инчуни, капери и сечкани маслинки и измешајте. Кога ќе почне да врие, додадете неколку лажички од топлата вода во која се вареа шпагетите. Потоа додадете ги чери доматите исечени на половинки. Оставете да се динста уште 3 минути. Исцедете ги шпагетите и додадете ги во тавата, па измешајте. Исклучете го шпоретот, па посипете со пармезан, промешајте и повторно посипете со пармезан. Ако ви изгледа суво, додадете уште малку вода во која се вареа тестенините.
