CBS најави трета сезона на „Star Trek: Discovery“, со прикажување од 15 октомври.
Обожавателите на „Star Trek“ веројатно ќе се израдуваат на веста дека третата сезона на „Star Trek: Discovery“ нема да биде одложена поради пандемијата на коронавирусот, туку ќе почне со емитување од 15 октомври со стриминг на CBS All Access.
„Discovery“ е веројатно најконтроверзниот дел од „Star Trek“ серијалот бидејќи прилично ги подели фановите поради зголемената доза насилство, мрачната содржина, ликовите и актерите за кои некои традиционалисти сметаат дека не се вклопуваат во замислата за славната научно-фантастична серија.
Благодарение на високиот буџет CBS создаде целосно нов визуелен идентитет на „Star Trek“, но некои елементи не им се допаднаа на обожавателите.
Сепак, првите две сезони постигнаа голем успех и привлекоа нова генерација обожаватели на „Star Trek“.
