Како што и се очекуваше, новото продолжение од франшизата „Star Wars“ лесно ја совлада конкуренцијата и се искачи на врвот на светскиот боксофис, заработувајќи преку 450 милиони долари.
„Star Wars: The Last Jedi“ го имаше второто најголемо викенд отворање на сите времиња во САД, заработувајќи преку 220 милиони долари во првиот викенд од прикажувањето.
На второто место, веднаш зад него, се најде новиот анимиран филм на студиото Fox, кој успеа да заработи скромни 13 милиони долари на американскиот боксофис. Гласовите на главните улоги во овој филм ги позајмија Џон Сена и Кејт МекКинон.
Од останатите филмови, вреди да се напомене дека солидни викенди имаа уште „Coco“ и „Wonder“, кои и покрај големиот притисок од новите премиери, успеаја да се задржат во Топ 5 листата на најгледани филмови викендов.
Целосната листа на филмови со најголема заработка на американскиот боксофис изгледа вака:
- Star Wars: The Last Jedi – 220 милиони долари
- Ferdinand – 13,3 милиони
- Coco – 10 милиони
- Wonder – 5,4 милиони
- Justice League – 4,2 милиони
- Daddy’s Home 2 – 3,8 милиони
- Thor: Ragnarok – 2,9 милиони
- The Disaster Artist – 2,6 милиони
- Murder on the Orient Express – 2,4 милиони
- Lady Bird – 2,1 милион