По стандардната електрична верзија без покрив, стигна и една нова, необична верзија на новиот Fiat 500 - 3 + 1.
Од FIAT велат дека време било за еволуција - морале да одат чекор подалеку и да одговорат на промените во побарувањата на клиентите кои созреале и чии навики се сменија.
Младите луѓе кои излегуваа да се возат низ градските улици после работа сега се вработени мајки и татковци кои се организираат да го однесат или земат детето од училиште, а потоа да го носат на часови по балет или на тренинг, заедно со нивните останати обврски.
Значи, купувачот стана семејство на кое му треба подостапен ентериер, но кој сепак е „кул“, како што се очекува од „фиќо“. Затоа е создаден новиот 500 3 + 1 - целосно електричен, со уште една, мала, но значајна врата.
Дизајнерите работеа на паметно решение што придонесе димензиите на моделот да останат исти како кај кабриолетот и хечбекот, но со мала трета врата од совозачката страна. Како и кај првиот модел „500“ од 1957 година, кој имаше врата на задниот дел.
Резултатот е нова каросерија со непроменети димензии и без додаден ниту еден сантиметар.
Третата „мала врата“ се отвора во спротивна насока, а бидејќи во самата врата нема централен панел, што значи дека е многу полесно да се влезе во автомобилот, полесно е да се натоварат и растоварат поголеми предмети, а децата можат да се сместат на задното седиште побрзо и полесно.
Кога вратата е затворена, ова „фиќо“ не се разликува од кој било друг модел „500“: стилот е ист, како и големината, додека тежината е зголемена за 30 кг.
Во однос на безбедноста, вреди да се спомене дека „малата трета врата“ може да се отвори само кога предната врата е веќе отворена, со цел да се спречи патници назад случајно да ја отворат.
Со верзијата 3 + 1, моделот „500“ има тенденција да остане со клиентите кои ги сменија своите навики и барања, но не и нивниот вкус.