Првиот лет со екипаж на вселенското летало Starliner на Boeing конечно започна со успешно лансирање на ракетата Atlas V на United Launch Alliance, речиси еден месец по првичниот датум.
Астронаутите на НАСА, Буч Вилмор и Сунита Вилијамс, влегоа во капсулата Starliner и ги направија потребните подготовки, а 30 минути подоцна беше објавено дека компанијата работи на решавање на проблемите со вентилите на тлото преку својата Software Integration Lab (SIL). Откако проблемот беше поправен, Starliner полета кон Меѓународната вселенска станица (МВС).
Минатиот месец лансирањето беше одложено поради аномалија поврзана со вентилот за контрола на притисокот во резервоарот за течен кислород на горната Centaur фаза на ракетата Atlas V. Вентилот беше заменет, но следеше нов проблем во форма на истекување на хелиум од сервисниот модул на вселенското летало.
НАСА и Boeing го одложија лансирањето за да истражат, и на крајот беше утврдено дека проблемот не претставува безбедносен ризик за мисијата. Лансирањето беше презакажано за 1 јуни, но овој пат исто така беше откажано во последен момент поради проблеми со секвенсерот за лансирање на компјутерот.
Меѓутоа, во новиот обид лансирањето беше успешно, а Starliner, покрај астронаутите на НАСА, носеше и товар, односно храна и залихи потребни на екипажот кој е веќе на Меѓународната вселенска станица.
Вилмор и Вилијамс ќе поминат 8 дена на МБС, каде што ќе спроведат тестови за да утврдат дали Starliner е подготвен за редовни летови до вселенската лабораторија.
НАСА соопшти дека доколку мисијата биде успешна, ќе го започне последниот процес на сертифицирање на Starliner и неговите системи за мисии со ротација на екипажот до МВС.
