Stellantis подготви неколку новости поврзани со своите брендови за Автосалонот во Париз, како и за промоција на новиот кинески бренд на европско тло.
Тоа е Leapmotor, брендот во сопственост на овој концерн. Во Европа доаѓаат два модела, евтиниот T03 и поголемиот SUV C10. Сега, неколку месеци по објавувањето, ги знаеме и цените. Градски ориентираниот T03 започнува од 18.900 евра, додека теренецот C10 ќе има почетна цена од 36.400 евра.
Да потсетиме, T03 пристигна на кинескиот пазар во 2020 година. Целта е јасна, овој мал автомобил влегува во доменот на најевтините електрични модели, меѓу кои е и Dacia Spring, но и домашниот модел на Stellantis, како Citroën e-C3 и Fiat Panda. Истовремено, треба да се има предвид дека кинескиот модел ќе се произведува и во Европа, во фабриката во Тихи, Полска.
Малиот автомобил долг 3,62 метри го придвижува електричен мотор од 95 КС и 158 nm, а со капацитет на батеријата од 37,3 kWh, има автономија од 265 км. Стандардната опрема вклучува дигитален кокпит, 10,1-инчен инфозабавен екран, панорамски покрив, камера за рикверц и системи за помош. Звучи одлично со оглед на ниската цена.
Поголемиот C10 по димензии одговара на моделот Y на Tesla. Доаѓа од Кина, но и покрај царинските давачки одржува добра цена. За споменатата количина Кинезите нудат електричен погон од 218 КС и 320 Nm и батерија од 69,9 kWh за автономија од 420 км. Опремата е одлична и дури вклучува систем за автономно возење на ниво 2.
Првите испораки на помалиот Т03 започнуваат за неколку дена, а ќе се нуди во Белгија, Франција, Грција, Италија, Луксембург, Малта, Холандија, Португалија, Романија, Шпанија, Швајцарија и Обединетото Кралство.
