Стигна Komendant - „рускиот Rolls-Royce“ изгледа спектакуларно

Проектот за руски луксузни возила Aurus не запре и покрај војната во Украина.

Руските олигарси кои не се „мистериозно“ настрадани очекуваат добри вести бидејќи Aurus го претстави целосно новиот Komendant.

Дизајниран да обезбеди „беспрекорна удобност при секое патување“, Komendant е ултралуксузен SUV во ист стил како и Bentley Bentayga и Rolls-Royce Cullinan.

Сличностите со вториот се толку впечатливи бидејќи Komendant има масивна предна табла со LED фарови и големи отвори за воздух.

Дека Rolls-Royce е очигледна инспирација потврдува и погледот од страна каде до израз доаѓаат масивните тркала кои можат да бидат од 20 до 22 инчи.

Меѓу другото, карактеристиките вклучуваат пар големи квадратни издувни цевки на задниот дел, врата на багажникот што се отвора електронски и загреано ветробранско стакло.

Во однос на големината, Komendant има должина од 5.380 мм, ширина 2.004 мм и висина од 1.820 мм, со меѓуоскино растојание од 3.100 мм.

За да се стават овие бројки во перспектива, рускиот модел е 39 мм подолг од Rolls-Royce Cullinan, но има 195 мм пократко меѓуоскино растојание.

Внатрешноста исто така се чувствува суперлуксузно, со скапи материјали и украсни детали од дрво и метал.

Има дигитална инструмент табла, мултимедијален систем со широк екран и (во овие модели) неизбежниот аналоген часовник.

Идните сопственици ќе уживаат и во четиризонската контрола на климата, амбиентално осветлување, држачи за чаши со греење/ладење и безжични полначи за паметни телефони.

Со оглед на статусот на ултралуксузен теренец, во задниот дел, наместо споени седишта, има две посебни „фотелји“ кои имаат функции за греење, вентилација и масажа.

Remote video URL

Тие се одделени со широка централна конзола која содржи маси на преклопување и мини-бар со фрижидер.

Komendant може да се пофали и со систем за забава на задниот дел со двоен екран.

Aurus исто така соопшти дека клиентите можат да го персонализираат своето возило бидејќи компанијата нуди прилагодено боење, гравирање на праговите и специјален вез на потпирачите за глава.

Клиентите може да нарачаат и специјални фурнири и уникатни украси.

Во срцето на хибридниот погон е 4,4-литарски V8 твин-турбо мотор кој произведува 598 КС (440 kW) и 880 Nm вртежен момент.

Тој е поврзан со деветстепен автоматски менувач и стандарден систем за погон на четири тркала.

Оваа конфигурација му овозможува на 3.235 кг Komendant да забрза од 0-100 км/час за 6,5 секунди, пред да достигне максимална брзина од 220 км/час.

И покрај неговиот хибриден погонски систем, теренецот е „жеден Русин“ со оглед на просечната комбинирана потрошувачка на гориво од 18,5 лl/100 км.

Меѓу важните карактеристики е адаптивната воздушна суспензија која обезбедува 260 мм растојание од земјата.

Моделот има и head-up дисплеј, систем за камера од 360 степени и напредни системи за помош на возачот.

Цените наводно започнуваат од 33,7 милиони рубљи, што е околу 590.000 евра.

Komendant е прилично скап, ако се знае дека Rolls-Royce Cullinan чини околу 350.000 евра.

Погледнете го Komendant од секој агол во нашата ГАЛЕРИЈА.

Тагови
реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Авто новости

Светскиот бестселер го прославува својот 50-ти роденден - Volkswagen започна со производство на првиот Golf на 29 март 1974 година

Read more

Mansory создаде специјален Rolls-Royce Cullinan за изложбениот салон во Дубаи

Read more

Lamborghini го смени логото по повеќе од две децении

Read more

Дизелот е мртов за Volvo

Read more
 

Автомобили

  • filter

Светскиот бестселер го прославува својот 50-ти роденден - Volkswagen започна со производство на првиот Golf на 29 март 1974 година

Читај повеќе

Mansory создаде специјален Rolls-Royce Cullinan за изложбениот салон во Дубаи

Читај повеќе

Lamborghini го смени логото по повеќе од две децении

Читај повеќе

Дизелот е мртов за Volvo

Читај повеќе

Кинезите направија „бум“ во 2023 година продавајќи возила за 8.000 евра

Читај повеќе

Нови безбедносни појаси: Се прилагодуваат на различни големини на тело

Читај повеќе

Е-автомобилите можат сами да си ги полнат батериите, некои можат да заштедат многу пари

Читај повеќе

Истражување: Kолкава моќност треба да има вашиот автомобил?

Читај повеќе

Водич за возачи: Одговорно паркирање

Читај повеќе