Како еден од основоположниците на модерниот хорор жанр, Стивен Кинг неодамна издвои сцена која ја смета за најстрашна во филмската историја.

Еден од филмовите што го обликуваше жанрот е „Night Of the Living Dead“ од 1968 година во режија на Џорџ А. Ромеро. Филмот следи група странци кои се наоѓаат заробени во куќа за време на „инвазија на зомби“ и се обидуваат да преживеат.
„Филмот беше пред своето време“, рече Кинг, кој го пофали неговиот визуелен естетски и иновативен пристап. Покрај тао, ги постави и темелите за идните „зомби приказни“ вклучувајќи филмови како „Shaun of the Dead“ и „The Evil Dead“.
Кинг пособено издвои сцена од „Night Of the Living Dead“ која му останала врежана во сеќавањето и за која тврди дека е најстрашната сцена во филмската историја.
„Најстрашната сцена што можам да ја изберам е кога хероината Барбара ќе се врати во својот автомобил по посетата на гробиштата додека ја брка зомби со бела коса и запуштен изглед. Таа се заклучува во автомобилот и сфаќа дека нејзиниот брат ги има клучевите. Зомбито наоѓа камен и удира во прозорецот. Првиот пат кога го видов и уште двапати после тоа, бев скаменет од страв“, рече Кинг.
Кинг дебитираше со хорор романот „Carrie“ во 1974 година кој две години подоцна доби филмска верзија. Други негови дела адаптирани на филмското платно се „The Shining“ (1980), „The Dead Zone“ „Christine“ (двата 1983), „Stand by Me“ (1986), „Misery“ (1990), „The Shawshank Redemption“ (1994), „Dolores Claiborne“ (1995), „The Green Mile“ (1999), „The Mist“ (2007) и „It“ (2017).