Во Италија, сликата за пандемијата на COVID-19 се подобри по неколку недели строги ограничувања, соопштија вчера здравствените власти.
Податоците за седум дена покажуваат дека инциденцата паднала на околу 232 на 100.000 жители помеѓу 22 и 28 март, за разлика од 240 во претходните периоди.
Експертите кои вчера доставија неделен извештај за пандемијата, изјавија дека сепак се загрижени што постојано се зголемува бројот на заболени од COVID-19 во болниците.
Нови региони влегуваат во „портокалова“ зона
Од вторникот, неколку нови италијански региони, вклучително и Венето, ќе се префрлат од „црвената зона“ во помалку алармантната „портокалова“, според системот што важи во Италија, тврдат извори од министерството.
Прописите што се применуваат во „црвените зони“ ќе се применуваат низ цела Италија за време на велигденските празници од 3 до 5 април.
При вакцинирање, Италија се обидува да ја постигне својата цел: да употреби половина милион дози на ден. Според последните податоци, досега најголемата бројка е 280.000, изјави министерот за здравство, Роберто Сперанца.
Од почетокот на пандемијата, властите потврдија скоро 110.000 смртни случаи на повеќе од 3,6 милиони инфицирани со коронавирусот.