Ако сте загрижени дека не сте во најдобра физичка форма и сакате да го намалите стомакот, а по можност да направите и стомачни мускули, не се секирајте, нема да мора да се мачите многу.
Најновото истражување на Planet Fitness покажа дека жените всушност повеќе сакаат мажи со фигура на „татенце со стомаче“ отколку „плочки“ на стомакот.
Резултатите од анкетата покажаа дека на жените им се попривлечни мажите кои имаат „малку вишок“ стомаче, отколку оние со „совршено вајано тело“.
Џесика Кореа од одделот за маркетинг во Planet Fitness рече дека се надева оти резултатите од истражувањето ќе им помогнат на мажите да си ги прифатат телата такви какви што се, но дека нема да ги обесхрабрат да вежбаат и да го одржуваат телото здраво и во форма.
Повеќе од три четвртини од жените (78%) сметаат дека мажите со фигура на „татенце со стомаче“ се чувствуваат поудобно во својата кожа и имаат поголема самодоверба.
