Се проценува дека до 18% од светската популација доживува мигрена или повторливи болни главоболки, а уште повеќе луѓе редовно се справуваат со главоболки.
Според истражувањето објавено во Frontiers in Nutrition, виновникот може да биде недостатокот на влакна. Еве што покажа студијата.
За оваа студија, истражувачите во Кина сакале да погледнат како диеталните влакна влијаат на зачестеноста и сериозноста на мигрените и главоболките кај учесниците. За да го направат ова, ги анализирале постоечките податоци за влакна и главоболки од Националното истражување за здравје и исхрана.
Врз основа на нивните наоди, се чини дека влакната може да играат поголема улога во главоболката отколку што се мислеше. Имено, истражувачите увиделе дека меѓу нив постои значајна поврзаност, со повеќе диетални влакна кои доведуваат до намалување на силните главоболки и мигрена.
За секои 10 грама зголемување на растителни влакна дневно, имало намалување од 11% во зачестеноста на главоболката и мигрената, забележале истражувачите.
„Според нашите сознанија, ниту една претходна студија не ја испитала врската помеѓу диеталните влакна и силната главоболка или мигрена“, забележуваат авторите на студијата во нивното истражување, додавајќи: „Зголемувањето на внесот на храна богата со влакна може да заштити од силна главоболка или мигрена“.
Ако влакната навистина можат да ни помогнат да се ослободиме од главоболките и мигрените, решението е едноставно: додадете повеќе влакна во вашата исхрана! Влакната се наоѓаат во тони различна храна, од цели зрна до овошје и зеленчук, како и во мешунките, јаткастите плодови и семките.
