Голема експлозија го потресе центарот на Мадрид, пренесуваат светските медиуми.
Една зграда е уништена, а околните згради се оштетени.
Сè уште нема информации за жртви, ниту за причините за експлозијата во главниот град на Шпанија. Неофицијално, можно е да станува збор за несреќа поради истекување на гас.
Локалните телевизии објавија изјава на очевидец кој тврди дека најмалку шест лица се повредени.
Во експлозијата уништени се три ката на зградата во улицата Толедо, пишува El País.
Во близина има дом за стари лица, но портпаролот на установата изјави дека ниту еден штитеник, ниту вработен не се повредени.