Само 5 натпревари беа на синоќешната програма во НБА лигата, а еден од двата дерби-натпревари се одигра во Минесота, каде се сретнаа Тимбервулвс и Селтикс.
Гостите од Бостон на крајот излегоа како победници, со резултат 117:109.
Бостон Селтикс го добија натпреварот најмногу благодарение на добрата тимска игра, бидејќи дури 10 играчи се запишаа во листата на поентери. Најефикасен од нив беше Кајри Ирвинг со 23 поени, а тој додаде и 7 скока и 8 асистенции. Она што ги преплаши навивачите на Бостон Селтикс беше страшниот пад на Џејлен Браун по едно забивање во третата четвртина, кога сите мислеа дека тој се здоби со сериозна повреда.
Во тимот на Минесота Тимбервулвс најефикасен беше Немања Бјелица со 30 поени, додека Карл Ентони Таунс додаде 15 поени и 11 скока. Дури 6 играчи на Тимбервулвс постигнаа двоцифрен број поени, но само еден од нив постигна повеќе од 18 поени.
Останати резултати:
Шарлот Хорнетс – Бруклин Нетс 111:125
Мајами Хит – Филаделфија 76ерс 108:99
Оклахома Сити Тандер – Феникс Санс 115:87
Голден Стејт Вориорс – Сан Антонио Спарс 110:107
