Град со големина на тениски топчиња привремено го запре сообраќајот на автопатот блиску Модена, на северот на Италија, каде е причинета голема материјална штета на автомобили.
На снимките емитувани на локалните медиуми се гледа невреме проследено со град и автомобили оштетени од ударите на ледот.
Метеорологот Лука Ломброзо изјави дека невреме проследено со град е вообичаена појава во текот на летниот период низ долината на реката По, но дека силата и зачестеноста на невремето со бури и град оваа година се навистина невообичаени.
„Во Италија се соочуваме со последици од климатските промени на што укажуваат честите и многу ненадејни бури, кратки и интензивни врнежи, промени од сончево време во невреме“, се наведува во соопштението на Организацијата Колдирети за заштита на земјоделството.