Манекенката Адријана Лима беше една од главните ѕвезди на премиерата на филмот Indiana Jones and the Dial of Destiny на Канскиот филмски фестивал.
На црвениот тепих во Кан друштво ѝ правеше нејзиниот партнер Андре Лемер. Парот изгледаше вљубено како и секогаш, а во еден момент следеше и страстен бакнеж.
Манекенката носеше елегантен црн фустан со голема жолта панделка што завршува на грбот, а изгледот го заокружи со коса собрана во пунџа и впечатлива шминка.
Познатата манекенка неодамна се врати на манекенството по четиригодишна пауза, во соработка со брендот Victoria's Secret.
Потоа откри дека повторно е заштитно лице на најпознатиот бренд за долна облека за жени, а реакциите на нејзините многубројни следбеници беа позитивни.