Стресот кој е присутен во вашиот живот и во вашата спална соба, може да предизвика губење на потребата за секс и уживање во интимните односи со партнерот.
„Меѓутоа, постои начин како да го зголемите либидото и да ја поттикнете сексуалната желба без какви било медицински интервенции“, вели Кајли Бичнан, докторка од Торонто.
„Стресот го убива либидото. Доколку сте под стрес, последната работа на која ќе ви падне на ум е да имате сексуален однос“, вели докторката.
Стресот го убива либидото
„Стресот го зголемува лачењето на хормонот кортизол во телото, што влијае на уништување на хормоните кои нè поттикнуваат да имаме интимни односи и ја намалува сексуалната желба, односно либидото“, објаснува докторката.
„Недостатокот на комуникација помеѓу партнерите го зголемува стресот во спалната соба, а многумина се дополнително анксиозни доколку нивната самодоверба е на ниско ниво“, вели психотерапевтот Хедер Кент.
Во повеќето случаи причина за стрес не се само лошите интимни односи со партнерот, туку нешто многу повеќе, како на пример- проблемите на работа, анксиозност, депресија.
Како да ја зголемите сексуалната желба и да го победите стресот?
Борбата со стресот се надминува полесно доколку сте поврзани со вашиот партнер. Разговарајте со вашиот партнер во текот на денот и почесто прегрнувајте го, ве советува докторката.
Освен тоа, понекогаш може да користите и природен афродизијак за да го зголемите либидото.