За многу работници стресот е нормална последици при одење на работа. Но, психолозите предупредуваат на два вида на стрес предизвикани од работата: Стрес кој може да се поднесе, и стрес кој се нарекува „согорување“, и кој ги има сите симптоми на ментално пореметување.
Психологот Шери Бентон, основач на онлајн сервис за терапија, вели дека „согорувањето на работа“ би требало да се квалифицира како ментално пореметување, токму како и депресијата.
Еве кои знаци укажуваат на тоа дека ви се заканува „согорување“ на работа:
1. Несоница и исцрпеност
Пореметувањата во спиењето се многу чест знак за согорување. Работата би требало да ги полни луѓето со енергија и тие после извршената работа да се чувствуваат среќно и задоволно, поради успешно завршените задачи.
2. Немате поддршка
Лошото раководство и поддршка на работното место, исто така можат да бидат причинители за овој проблем. Иако долгите работни часови се неизбежни во некои професии, сепак таквиот начин на работа е погубен за здравјето.
3. Не сте горди на својата работа
Иако најчеста причина за согорување е преголемата количина на работа, луѓето можат да почувствуваат согорување и кога сметаат дека нивната работа нема цел и дека не ги прави горди.
3. Се обидувате да бидете совршени
Ако постојано се обидувате да бидете совршени, вие сте на добар пат кон согорување. Ако совршенството е ваша единствена цел, еднаш кога ќе ја достигнете, ќе исчезне задоволството во постигнување на таа цел. Вашата концентрација ќе опадне и работите ќе станат покомплицирани и потешки.
5. Не се релаксирате доволно
Многу е важно да поминувате слободно време со семејството и луѓето кои ви се драги, со цел да пронајдете баланс меѓу работата и приватниот живот.
