Роберт Левандовски е еден од најдобрите и физички подготвени фудбалери во светот. И во триесет и третата година од животот игра на врвно ниво и руши рекорди. Но, многумина не знаат дека тој практикува строги тренинзи и соодветна исхрана за да биде во најдобра форма.
Полскиот напаѓач одржува здрави навики и ништо не остава на случајот. Сето тоа потекнува од неговата сопруга Ана, со која заедно често тренира.
Ана и Роберт се во брак од 2013 година, а освен што тренира со него, таа е задолжена и за неговиот план за исхрана.
Од исхраната, Левандонски има исфрлено пченично брашно, лактоза и заситени масти. Самиот фудбалер откри дека секогаш спие во просторија со светло на многу специфично ниво и со константна температура, без разлика дали станува збор за лето или зима.
Исто така, се грижи за мирисот во собите во кои спие и користи ароматерапија за релаксирање пред да си легне.
Една од рутините која најмногу изненадува е редоследот на оброци. Левандовски секогаш го почнува оброкот со десерт. Може да изеде десерт од јаболка, а потоа супа или тестенини. Тоа е рутина којашто му овозможува да се чувствува најдобро.
Левандовски неодамна ја доби Златната копачка за најдобар стрелец во изминатата сезона.