Македонскиот шампион Струга денеска ги дозна можните противници во првото квалификациско коло за новата сезона во Лигата на шампионите.
Како што беше од претходно познато, македонскиот шампион во жрепката ќе влезе како неносител, па за противник ќе добие екипа со поголем УЕФА рејтинг.
Новата сезона 2024/2025 во Лигата на шампионите ќе се игра со новиот формат со 36 екипи во групнбата фаза, па и квалификациите претрпеа промени. Укинато е она претколо каде играа најслабите четири, па сега сите почнуваат од 1. коло.
Гледајќи ги имињата на противниците, стружани може да се надеваат на среќа во жрепката бидејќи дефинитивно би имале шанси да поминат доколку за противник добијат екипа како Флора, КИ, Шамрок, ТНС или РФС, но и да имаат речиси невозможна мисија со Ференцварош, Карабаг, Слован, Лудогорец, ХЈК и ФЦБС (поранешна Стеауа).
- Ференцварош (Унгарија)
- Карабаг (Азербејџан)
- Слован (Словачка)
- Лудогорец (Бугарија)
- ХЈК (Финска)
- Флора (Естонија)
- ФЦСБ (Романија)
- КИ (Фарски Острови)
- Шамрок Роверс (Ирска)
- Линколн Ред Импс (Гибралтар)
- Д Њу Сеинтс (Велс)
- Пјуник (Ерменија)
- РФС (Латвија)
- Петроклуб (Молдавија)
- Балкани (Косово)
Жрепката за 1. квалификациско коло ќе се одржи на 18 јуни, а наредниот ден и за второто каде Струга би дознала против кого би можела да игра доколку ја мине првата пречка.
