Попладнево се комплетираше 11. коло во најдобрата македонска фудбалска лига, а се затвори со дербито на „Чаир“ помеѓу актуелниот шампион Шкупи и лидерот на табелата Струга.
Бранителот на титулата славеше минимална победа од 1:0, но доволна за да прокнижи 3 бода. Стрелец на одлучувачкиот погодок беше Костариканецот Фреди Алварес во 57. минута од белата точка.
Ова е прв овосезонски пораз за Струга која сепак останува на 1. место и тоа со солидни 6 бодови предност пред Шкендија, односно 7 пред Шкупи и Силекс.
Во првата лига следува пауза наредниот викенд будејќи репрезентацијата на Македонија составена воглавно од домашни играчи ќе игра пријателска против Саудиска Арабија на неутрален терен во Абу Даби во сабота.
