Група студенти открија начин како да се складира енергија што е поевтина за произведување, попрактична и поодржлива од алтернативните обновливи горива. Го создадоа првиот автобус на светот што ќе работи на погон на мравја киселина.
„Тоа е поевтино решение, а исто така е еколошки пополезно. Ја градиме својата иднина“, рече Лукас ван Капелен од Team Fast, компанија од Холандија.
На проектот работат околу 40 луѓе. Целта е да направат метод на транспорт без испуштање штетни гасови, што ќе помогне во борбата против климатските промени.
Мравјата киселина може да се пронајде во природата бидејќи се испушта при убод на мравка и други инсекти, а оваа едноставна јаглеродна киселина веќе се користи во производството на текстил и кожа, како конзерванс за добиточна храна и во некои средства за остранување бигор.
Team Fast откри дека киселината содржи состојки што им се потребни на водородните честички во горивото што се користат за напојување на електричните возила. Во течна состојба е многу полесно за транспортирање и за разлика од другите горива е поеколошко.
„Нашиот резервоар е со капацитет од 300 литри и автобусот може да помине 200 километри со него. Подготвени сме да направиме и поголем резервоар“, рече тој.
Процесот за промена на конвенционални бензински пумпи со новите, што ќе опфати замена на цевките и резервоарите, чини околу 35.000 евра, што е 100 пати поевтино во споредба со други инвестиции за алтернативна енергија за напојување.
Неколку компании веќе го поддржаа проектот.
