Студентскиот отпор изразува длабоко сочувство до семејството на Фросина Кулакова.
„Оваа загуба е резултат на системски недостатоци, кои ја загрозуваат безбедноста на сите нас.
Долгогодишната неказнивост, институционалната негрижа и структурното насилство не само што ни ги одземаат можностите во образованието туку резултираат и со трагедии што не може да се преболат. Оваа неправда нема да остане без одговор!“, соопштуваат од Студентскиот отпор.
Оттаму ги повикуваат сите студенти денеска во 13 часот пред „Силбо“.
„Затоа што вака се чувствуваме небезбедни. За нашата колешка Фросина. За сите нас“, додаваат од Студентскиот отпор.
