Некои земји имаа рекорден број на смртни случаи и заразени и ги укинаа речиси сите мерки, но сепак вестите за пандемијата можат да го расипат расположените на луѓето за само неколку минути, тврдат британските научници.
Во студијата објавена во медицинското списание PLOS One, научниците од Универзитетот Есекс и Универзитетот Симон Фрајзер известија дека вестите за пандемијата споделени на социјалните мрежи се една од најлошите активности во денот.
Ова и не е изненадување со оглед на тоа дека постојани ни повторуваат колку лица се заразени или починати и нè известуваат за нови мерки.
И вестите за проблемите како што се недостаток на болнички кревети, ограничувањата и сиромаштијата поради пандемијата предизвикуваат проблеми на менталното здравје.
„Читањето на вестите поврзани за ковид предизвикуваат намалување на позитивното расположение и оптимизам“, според одговорите на испитаниците.
Други истражувања исто така покажаа дека се зголеми просечното ниво на анксиозност и депресија од почетокот на пандемијата.
Според медицинското списание Lancet, 160 милиони луѓе страдале од ментални проблеми во 2020 година во однос на претходната.