Напаѓачот на Каталонците смета дека неговиот тим титулата ја изгубил со неодамнешните три нерешени и дека Реал речиси сигурно е шампион.
„Ако треба да сум искрен, титулата е речиси недостижна. Во Ли Лига мора да бидете самокритични: самите дозволивме да ни избега титулата. Свесни сме дека зависеше од нас самите и затоа не бараме изговори. Јасно е дека со натпреварот против Севиља започнаа нашите проблеми. Потоа дојде гостувањето во Виго кое беше клучно. Си ја пропуштивме шансата“, вели Луис Суарес за шпански SPORT.
Со две кола до крајот Барселона има 4 бодови заостанување зад водечкиот Реал Мадрид. Пред принудната пауза Барса беше лидер, но по рестартот трите нерешени (0:0 кај Севиља, 2:2 кај Селта и 2:2 дома со Атлетико) ја сменија ситуацијата на врвот.
„Да ја победевме Селта, ќе бевме во подобра ситуација против Атлетико. Падот беше во Виго, тој гол на Аспас во последната минута. Тоа боли. Сега ни останува да ја завршиме сезоната на високо ниво и потоа да се бориме за Лигата на шампиони“.