Лебот што се користи за американските сендвичи Subway не може да се дефинира како леб, според Врховниот суд на Ирска. Како што се вели во одлуката, причината за тоа е преголемата содржина на шеќеp во него.
Случајот е инициран од компанијата Bookfinders Ltd, тамошниот оператор за овој синџир ресторани. Тој опфаќа 110 земји во светот. Компанијата инсистираше на тоа дека лебот за сендвичите се вбројува во основни хранливи намирници – и дека не треба да се наплатува ДДВ за него. Според Законот за данок на додадена вредност во Ирска од 1972 година, износот на шеќер во лебот не треба да надминува 2%.
Во случајов, тоа е петпати повеќе. Уделот на шеќер во овие лепчиња е 10% од масата на брашното.
Така, враќањето на Bookfinders од 9,2% ДДВ за периодот од јануари 2004 до декември 2005 година останува неподмирено.
Од Subway остануваат на ставот дека – лебот нивни е, сепак – леб!
