Судење за „Меѓународен сојуз“: Се изведуваат материјални докази од Обвинителството

Со изведување на материјални докази, предложени од Обвинителството, денеска во Основниот кривичен суд во Скопје продолжува судењето за невладината организација „Меѓународен сојуз”, каде заедно со основачот Бојан Јовановски, обвинети се уште четири лица.

Обвинителството презентира материјални докази од Управата за финансиско разузнавање, за банкарските сметки и реализираните трансакции на обвинетите во периодот на интерес за случајот.

Одбраната реагираше на начинот на изведувањето на овие докази, како и дека некои од нив немаат сметки во некои од посочените банки или во однос на направените трансакции.

Потоа беа презентирани и документи од УЈП и Централен регистар за здружението „Меѓународен сојуз”.

На почетокот на денешното рочиште, Бојан Јовановски побара изземање на обвинителката Вилма Русковска и произнесување од републичкиот јавен обвинител Љубомир Јовески, кој е застапник на обвинението со оглед на тоа, како што рече, споменатата обвинителка не се појавува и од рочиште на рочиште се менуваат обвинителите.

„Ова барање ќе го аргументирам поради тоа што Вилма Русковска не се појавува, не знаеме зошто, точно е дека може да прави свои замени според хиерархијата, но го молам републичкиот обвинител да одреди кој точно е застапник за да знаеме кој се обидува да го докаже обвинението кое е на стаклени нозе“, рече Јовановски.

Судот посочи дека барањето ќе биде проследено до Јавното обвинителство по завршување на денешното рочиште.

„Со оглед дека барањето за изземање не се однесува на причините од ставот 1 од членот 33 од ЗКП, туку на став 2 од истиот член, денешното рочиште ќе се одржи, а по завршување на истото барањето ќе биде проследено до надлежниот јавен обвинител за одлучување“, изјави судијката Софче Гаврилова Ефремовска.

За случајот со невладината организација Меѓународниот сојуз, основана од Бојан Јовановски-Боки 13, преку која според обвинението биле измамени бизнисмени за наводни центри за возрасни лица, обвинети се и Фросина Ременски, Миле Јовановски, таткото на Боки 13 и Јасна Мандиќ Ерцеговиќ.

Јовановски е обвинет за измама и перење пари. Ременски е обвинета за помагање во делото измама, Мандиќ за помагање во измамата и перењето пари, Миле Јовановски се терети за помагање во перењето пари и за неовластено изработување, држење, посредување и тргување со оружје.

Како правно лице обвинета е и невладината организација. 

реклама

Hejt SLOVEni, još ste živi? - видеото кое ја запали екс-ју

Read more

Пентагон: Снимките на НЛО од 2019 година се автентични

Read more

Постигнат договор за државјанствата, неизвесна работата на Собранието

Read more

Кој од „Friends“ заработил најмногу?

Read more

Македонија

Дневен ковид-биланс: 824 новозаразени од 3.988 тестирања, 31 починат

Read more

За прв пат направена експлантација на коски и коскени ткива од починат донор

Read more

Жителите на Ново Маало собираат потписи за петиција ќе ја достават до надлежните институции

Read more

Бубрезите и коските од донорот на срцето ќе се трансплантираат кај пациенти кои имаат потреба од нив

Read more
 

Вести

Дневен ковид-биланс: 824 новозаразени од 3.988 тестирања, 31 починат

Читај повеќе

За прв пат направена експлантација на коски и коскени ткива од починат донор

Читај повеќе

Курц: Ќе ни биде чест да ја организираме средбата на Бајден и Путин

Читај повеќе

Астронаути се вратија од шестмесечна мисија во вселенската станица

Читај повеќе

Жителите на Ново Маало собираат потписи за петиција ќе ја достават до надлежните институции

Читај повеќе

Бубрезите и коските од донорот на срцето ќе се трансплантираат кај пациенти кои имаат потреба од нив

Читај повеќе

„Илинден“ - Тирана со целосна поддршка за Васил Стерјовски за пратеник

Читај повеќе

Злосторството во Индијанаполис го извршил поранешен работник на FedEx

Читај повеќе

Продолжен рокот за пријавување за вакцинација за новинари и медиумски работници

Читај повеќе