Лионел Меси и Интер Мајами минатата недела го совладаа Спортинг Канзас Сити со 1:0 во првиот натпревар од осминафиналето на Купот на шампионите на КОНКАКАФ.
Натпреварот беше под голем лупа и поради тоа што се играше на температура од -16°C, а со налети на ветер вистинското чувство на студ беше -24°C.
Натпреварот беше тема и поради главниот судија Марко Антонио Ортис Нава. Мексиканскиот судија доби 6-месечна суспензија од КОНКАКАФ, бидејќи побарал авторграм од Меси.
Pour avoir demandé un autographe à Messi à la fin du match, l'arbitre Marco Antonio Ortiz Nava est sanctionné après la rencontre entre l'Inter Miami et Kansas City en Coupe des champions de la Concacaf le 19 février 2025 pic.twitter.com/y5f4CGPoUx
— UN TRUC DE FOOT (@untrucdefoot) February 22, 2025
„Со овој потег Ортис Нава ја доведе во прашање неговата непристрасност“, соопшти КОНКАКАФ.
Мексиканските медиуми пишуваат дека Ортис побарал автограм за член на семејството кој има посебни потреби, но КОНКАКАФ не дозволува такви интеракции меѓу судиите и играчите, а Ортис бил предупреден дека може да се соочи со суспензија на неопределено време доколку повторно направи вакво нешто.
Додека трае неговата суспензија во КОНКАКАФ, Ортис ќе може да суди во првенството на Мексико.
