Македонија

Судијата Киро Здравев нов претседател на Судскиот совет

25. април 2019 - 13:03 | МИА

Скопје, 25 април 2019 (МИА) – Судијата Киро Здравев е избран за нов претседател на Судскиот совет. За Здравев на денешната седница на Советот едногласно гласаа сите 12 членови.

За негов заменик е избран Селим Адеми, кој доби 11 гласови „за“, а едно ливче беше неважечко.

Судијата Здравев е член на Судскиот совет од декември минатата година, а функцијата претседател на Советот ќе ја врши во наредните две години.

На досегашниот претседател на Судскиот совет, Зоран Караџовски мандатот му истекува утре.

Коментирај