Бројот на загинати во ужасната железничка несреќа што рано утрово се случи во Турција, се зголеми на седум, а 46 лица се повредени.
Брз патнички воз удрил во локомотива за проверување на шините, четири минути откако тргнал од станицата во Анкара. Најмалку два вагона излетале од шините.
Меѓу загинатите е и машиновозачот на возот, а од 46-те повредени тројца се во критична состојба.
Службите за итно реагирање се на терен и се обидуваат да ги извлечат преживеаните кои се заробени во смачканите вагони.
Гувернерот на Анкара Васип Сахин рече дека локомотивата не требало да биде поставена на тој дел од пругата.