Кривичниот суд од СЈО ги побарал обвиненијата со кои опфатени бегалците од правдата, Горан Грујевски и Никола Бошкоски.
Од специјалното јавно обвинителство потврдуваат дека судот бара оригинали од сите предмети во кои се опфатени Грујевски и Бошкоски. Од тимот на Јанева велат дека во најкус можен рок, потребните документи ќе бидат доставени до кривичниот суд.
Петти ден судот ја комплетира документацијата за екстрадицијата на бегалците од Грција, каде што обвинетите чекаат судење за лажните бугарски пасоши. Грујевски е обвинет во три случаи „Тврдина – Таргет“, за кој му е определен притворот, „Тврдина 2“, кој е во тек и за предметот „Трезор“. Бошкоски пак е сведок во предметот „Тврдина 2“ и обвинет во случајот „Тврдина -Таргет“.
Судот сè уште ги нема оценето обвиненијата за предметите во кои се опфатени Грујевски и Бошкоски, но постои можност екстрадицијата да биде побарана и само со документите од истрагата.
