Судот во Лерин ги одби тужбите и барањата за забрана на Центарот за македонски јазик

Центарот за македонски јазик во Грција денеска информира дека Основниот суд во Лерин, во две посебни одлуки, официјално одби повеќе барања/тужби за поништување на првичната одлука за одобрување на барањето за неговата регистрација.

Од Центарот потсетуваат дека лани на 27 јули барањето за регистрација на Центарот за македонски јазик како невладина организација/здружение беше одобрено од грчкиот суд, со што истиот стана првата организација, која директно се грижи за македонскиот јазик, што е регистрирана и призната како таква од грчките државни органи. Сепак, веднаш по соопштувањето на таквата одлука, до Судот во Лерин беа доставени повеќе барања/тужби од „трети заинтересирани страни“ за поништување на првичната одлука за регистрација. Како подносители на таквите барања се појавија неколку екстремно десничарски организации и политички партии во државата, додека едно од барањето беше поднесено лично од страна на јавниот обвинител на територијата на Леринската околија.

Првото од судењата беше одржано годинава на 16 февруари. Центарот за македонски јазик ги претстави своите аргументи пред Судот, меѓу другото и со презентирање на докази за признавањето на македонскиот јазик од страна на грчката државата пред повеќе од еден век. 

Со историските одлуки од 16 март 2023 година, Основниот суд на Лерин ги одби барањето/тужбата на околискиот јавен обвинител, барањата поднесени од Панмакедонскиот сојуз на македонската борба Грција-Австралија и Панхеленското здружение на потомците на македономахите - Павлос Мелас, како и оние поднесени од Здружението за одбрана на Македонија и Тракија, Друштвото за македонски студии, Здружението Аристотел, Здружението на пензионирани армиски офицери и Регионот Западна Македонија. Како што се наведува во соопштението од Центарот за македонски јазик во Грција, барања биле одбиени како неосновани, додека еден дел од нив биле квалификувани и како целосно неприфатливи.

Со тоа, Центарот за македонски јазик во Грција останува законски регистрирана невладина организација во државата.

– Центарот за македонски јазик го изразува своето нескриено задоволство што после децениска борба, македоноговорното население во Грција се соочува со позитивен судски исход во однос на неговите легитимни барања. Правото на слободно здружување конечно е достапно и уважено во однос на организација за подршка на македонскиот јазик. Веруваме дека сега е време ова човеково право (загарантирано со член 12 од Уставот на Грција и член 11 од Европската конвенција за човекови права) да биде достапно и за други слични невладини организации - кои во минатото барале и во иднина ќе бараат нивна судска регистрација, се наведува во соопштението. 

Центарот се заблагодарува на сите оние во Грција и во странство кои ја поткрепиле нивната правна борба во последните месеци.

– Посебно му благодариме на нашиот адвокат Кирос Спонтис, за неговата одлична работа, како и на сведоците кои ги поддржаа нашите ставови и аргументи пред судот: професорката Александра Јоаниду, професорот Константинос Цицеликис, како и на нашиот член Зиси Циглопулос. Не би можеле да не го спомнеме и судијата кој ги отфрли барањата/тужби за забрана. Не толку затоа што го призна очигледното туку главно затоа што во еден период што кредибилитетот на грчката правда е доведен во прашање, докажа дека постојат независни судии кои одлучуваат врз основа на законот и на нивната свест, се наведува во соопштението.

Центарот за македонски јазик во Грција ќе продолжи да делува за постигнување на своите цели, кои вклучуваат: изучување на македонскиот литературен јазик од страна на граѓаните на Грција преку интернет-страница, поддршка на заложбите за идно воведување на македонскиот јазик како изборен предмет во јавните училишта (основни и среди) и универзитетите во Грција, кои се наоѓаат во регионите Западна Македонија, Централна Македонија, Источна Македонија и Тракија и поддршка на заложбите за идно формирање на педагошки училишта/одделенија во рамките на постоечките универзитети во Грција за обука на наставници по македонски јазик, како и за изработка на наставни програми и наставни материјали.

– Центарот за македонски јазик во Грција ги поттикнува и охрабрува говорителите на македонскиот јазик да ја продолжат борбата за своите човекови права. Напомнуваме дека сите материјали изработени од Центарот и поврзани со изучувањето на македонскиот јазик и понатаму ќе бидат достапни бесплатно на веб-страницата на нашата организација, како и на YouTube каналот. Македонскиот јазик е наше минато... и наша иднина!, посочуваат во соопштението од овој Центар.

реклама

Ослиќ – како влијае на организмот најпопуларната славска риба?

Read more

Добитник на лото се откажа од 37 милиони евра, причината е потресна

Read more

5 хороскопски парови кои ќе се заљубат во 2024 година

Read more

Ременски за убиената Вања: Таткото прв знаел дека нема да може да се изврши изнудата, Вања била задушена и станала неупотреблив заложник

Read more

Регион

Во нацистичка униформа „блесна“ жената задолжена за контрола на медиумите во Србија

Read more

Бугарското МВР нема информации дека Љупчо Палевски се наоѓа на нивна територија

Read more

Нов земјотрес на Закинтос, сега посилен - од 4,4 степени

Read more

Родители на учениците убиени во Белград: Ова повеќе не може да биде училиште

Read more
 

Вести

Градски паркинг-Скопје утре нема да наплаќа за паркирање во зоните А, Б, Ц и Д

Читај повеќе
  • filter

7 декември 1993 година, почина Блаже Конески

Читај повеќе

Мајката на Вања: Сега ми е најважно да си го заштитам другото дете

Читај повеќе
  • play_arrow

Што потпишаа Путин и саудискиот принц Бин Салман?

Читај повеќе

Ковачки: Возилото со кое е киднапирана Вања 3 дена било на скопските улици, Спасовски да одговори зошто не е детектирано од Сејф сити

Читај повеќе

Кумашинот на Путин ја регистрира „Втора Украина“ во Србија

Читај повеќе

Httpool се ребрендира во Aleph за да го зајакне меѓународниот развој на огласувачите и брендовите

Читај повеќе

Промотивен пакет на ПроКредит Банка – Префрли плата и уживај во поволности цела година бесплатно

Читај повеќе

Американскиот Сенат блокира милијарди предвидени за Украина и Израел

Читај повеќе