Франција ја претстави нуклеарната подморница Suffren во која вложи 9,1 милијарди евра. Станува збор за првата од шесте нови офанзивни нуклеарни подморници.
Новите подморници се способни да лансираат крстосувачки ракети и да превезуваат специјални сили, што на француската морнарица ќе ѝ овозможи генерациски скок.
Церемонијата на која присуствуваше претседателот Емануел Макрон го означи крајот на изградбата на подморницата од класа Баракуда. Подморницата е завршена со задоцнување од 3 години, а ќе биде изложена на тестирање во море пред идното лето да стане дел од флотата. Ќе замени шест подморници кои се во служба од 80-тите години.
„Ова е вистински генерациски скок. Преминуваме од исклучително мала платформа, околу 2.500 тони, на Баракуда потешка два и пол пати“, вели Патрик ван ден Енде, експерт за подморници.
Цената на подморницата е 9,1 милијарди евра. Последното од шесте пловила во служба ќе влезе во 2030 година. Подморницата ќе може независно да оперира до 70 дена на длабочина до 350 метри.
