Свет

Супер-Kалашников: AK-400 новата пушка за руските специјалци Алфа

21. мај 2016 - 11:55 | Д.П.

Производителот на оружје „Калашников“ на специјалната руска единица Алфа им понуди модерна автоматска пушка која ги надминува перформансите на сите претходни верзии на ова оружје.

Станува збор за пушката AK-400, која е супериорна во однос на популарната AK-47 и помодерната AK-12. Предностите на новиот модел се поврзани со прецизноста и дисперзијата на ударната моќ, изјави претставник на руската војска.

„АК-400 ни беше презентирана кон крајот на 2015 година, на состанокот што го организираше безбедносната служба на претседателот Путин“ - вели војникот кој додава дека иако AK-12 има одлична репутација, не ги задоволува потребите на руските елитни единици.

„Пушката AK-12 е совршено оружје за пешадијата, падобранците и извидницата. На специјалните сили им е потребно покомпактно оружје кое нема да биде инфериорно во однос на AK-12, а од друга страна ќе биде посоодветно за упади во згради, автобуси, авиони или возови“ - објаснува војникот.

Припадникот на специјалните сили со кој разговараше весникот „Известиа“ не сакал да открива многу детали за новото оружје. Единствено што открил е дека пушката е долга околу 94 милиметри, и дека тежи околу три килограми.

Рускиот весник објаснува дека новиот „Калашников“ ќе има телескопска опција односно можност да се намали ако просторот во кој се користи е тесен.

 

 

Коментирај