Оваа супербабичка е вистинско чудо од жена. Јохана има 93 години и е аматерска гимнастичарка која на натпреварувањата покажува неверојатна сила и еластичност.
Нејзиното име е запишано во Гинисовата книга на рекорди – таа е најстарата активна гимнастичарка во историјата на овој спорт.
Љубовта кон гимнастиката се родила рано кај Јохана. Првата средба со овој спорт ја имала на 9 години, а почнала да се натпреварува во 1934 година.
По Втората светска војна, гимнастиката била забранета во нејзината родна Германија каде се давало предност на екипните спортови, па Јохана се префрлила на ракомет, во кој исто така била успешна и со својот тим го освоила првенството на Источна Германија во 1954 година.
Во меѓувреме се омажила и родила три ќерки, но семејните обврски не ја оттргнале од нејзината прва љубов.
Одлучила да стане тренер за млади гимнастичари и во 1982 година, кога имала 57 години, се сретнала со две стари пријателки (едната помлада четири години од неа, другата пет) и ја мотивирале повторно да почне активно да вежба и да се натпреварува.
Истата година Јохана освоила многу медали на регионални натпревари и го одушевила целиот регион.
Денес, на 93 години, кога ќе погледне наназад, вели дека нагорд момент ѝ бил кога победила на гимнастичарско натпреварување на 84 години во категорија во која останатите натпреварувачи имале 70 до 75 години.
