Каква е твојата статистика кога се во прашање раскинувањата? Доколку му припаѓаш на клубот на жени кои мажите постојано ги оставаат, можеби е до тебе. Не велиме дека е, но доколку се препознаеш во овие работи, можеби не е далеку од вистината.
Премногу брзаш
Ти знаеш што сакаш и што чувствуваш, па не гледаш причина зошто да не покажеш веднаш сè. Проблемот е во тоа што твоето темпо најчесто не одговара на темпото на мажите. Забави, има време за сè.
Ja доживуваш врската премногу интензивно
Некои жени многу брзо се вљубуваат и се препуштаат, а на мажите им треба некое време да дојдат до таа фаза. Доколку веќе после еден месец имаш порив да му кажеш дека го сакаш и дека сонуваш за брак, тогаш дефинитивно преинтензивно си го сфатила тоа што се случува.
Го гушиш
Мажите немаат проблем со врзување, но доколку добијат впечаток дека жената сака да ги зароби, ќе побегнат од кафезот пред жената да стигне да го направи. Тоа не е ништо злонамерно, туку рефлекс.
Поставуваш премногу прашања
Каде оди оваа врска, кога ќе ги запознаеш неговите пријатели, дали те сака, колку те сака, зошто те сака… велат дека не постојат глупави прашања и овие можеби не се глупави, но се напорни и се причина за раскинување.