Оправдувањето за суспензијата е прекршување на политиката за заштита на приватноста, што го зголемува ризикот од физичка повреда на одредени лица.
Meta Platforms ги суспендираше корисничките профили кои би можело да се користат за следење на приватните авиони на Илон Маск, Марк Закерберг и други познати личности.
„Профилите на Instagram и Threads кои ги следат приватните авиони на познати личности - вклучувајќи ги Закерберг, Маск, Ким Кардашијан, Бил Гејтс, Џеф Безос и Кајли Џенер - се суспендирани“, објави сопственикот на голем дел од нив, Џек Свини.
Оправдувањето за суспензијата што го даде Meta е прекршување на политиката за заштита на приватноста, што го зголемува ризикот од физичка повреда на одредени лица.
Линковите до профилите на Instagram/Threads кои ги следат летовите на поранешниот претседател Доналд Трамп, гувернерот на Флорида Рон ДеСантис и други, исто така, повеќе не функционираат.
Профилот на Свини за следење на авионот на Тејлор Свифт беше суспендиран кон крајот на минатата недела.
Во мај, американскиот претседател Џо Бајден потпиша закон кој им дозволува на сопствениците на приватни авиони да ги анонимизираат податоците за регистрација, пишува Tech Crunch.
